Godnio pieśń

"Godnio pieśń" to śląski przekład klasycznego dzieła bożonarodzeniowego Charlesa Dickensa "A Christmas Carol" (pol. "Opowieść wigilijna") dokonany przez Grzegorza Kulika. Książka ilustrowana jest obrazkami Johna Leecha z pierwszego angielskiego wydania z 1843 roku.

Fragmenty:

Co to som do ciebie Gody, jak niy ino czas płacynio rachonkow, jak żeś je bez piniyndzy? Czas, jak widzisz, żeś je ô rok starszy, ale ani trocha bogatszy! Czas, jak po kludzyniu ksiong bez dwanoście miesiyncy, widzisz, iże niy mosz ani ceskigo profitu! Keby moje pragniynia sie społniyły – pedzioł Scrooge zgorszony – kożdy cymboł, co godo „Radosnych Godow”, winiyn być uwarzony we makowkach i wrażony do ziymie ze patykym jymioły we sercu. Tak by było!

Straszny głos ryknoł we antryju:

– Prziniyście sam kofer ôd panoczka Scrooge’a! – I pokozoł sie w nim som dyrechtor. Dziwoł sie na tego panoczka Scrooge’a ôkropicznie z gory i wkludzioł go w nojgorszo launa, jak podali sie rynce. Przeszli potym do ôszkliwyj studnie, co ôstała z nojlepszyj izby, jako świat widzioł, kaj ôd zimy mapy na ścianach i globy na ôknach wyglondały choby ze wosku. Tam wyciong zbonek cudacznie lekigo wina i koncek cudacznie ciynżkigo kołocza, i doł je bajtlom. Posłoł bedyntra po szklonka „czegoś” dlo briftryjgra, ale tyn podziynkowoł, bo jeźli to to samo, co dostoł ôstatni roz, to ôn tego niy wypije. Kofer ôd panoczka Scrooge’a boł już prziwionzany do wiyrchu ôd kolasy, bajtle pożegnały sie ze dyrechtorym i z uciechom ôdjechały drogom, a spod koł wyskokowoł śniyg i czorne liście.

Grzegorz Kulik - ur. we 1983 r. w Bytomiu. Bloger, autor ślonskich przekłodow Euro Truck Simulator 2, Gwiezdnych Wojyn, platformy WordPress i inkszych. Promuje ślonsko mowa swojim kanałym „Chwila z godkom” we serwisie YouTube, kaj ekleruje jij prawidła.